ЗНАМ ДЕКА ТОА БЕШЕ ЉУБОВ

Јас го засакав дождот ,
Но не и човекот кој ги миеше улиците
И ги бришеше нашите чекори
На скапиот странски асвалт.
Јас знам дека тоа беше љубов,
Инаку немаше да се чувствувам 
Како а го прелевам сонцето
Од една во друга дланка
Штом ќе ме бакнеш.
Твојот поглед беше мојата модро зелена шума
Твоите солзи , сите освежувачки дождови.
Знам дека тоа беше љубов ,
Инаку немаше да ги бројам твоите издишувања навечер.
Капките дожд ја одбројуваа нашата средба .
Јас не понесов чадор,
Нема да се противам на нешто толку природно.
Јас знам дека тоа беше љубов.
Те молев
Чувај ме вака луда и твоја 
За да не те барам во сите мои здивови 
И приказни како оваа.
Не е дека нема да те пронајдам,
Само сакам да бидеш секогаш до мене.
Знам дека тоа беше љубов.