ОМИЛЕНИОТ ФУСТАН

Го облеков омилениот фустан.
Срцето ми е вшиено во неговите конци.
Зарем не гледаш дека чипката 
Црвенее само ради тебе.
Вечерва мојата нежност
Ќе ти ја испари душата.
Ќе ти го завртам умот 
Во долгото везено здолниште,
И ќе посакаш никогаш да не те пуштам.
Остани стуткан во мојот ракав,
За да можам кога ми требаш да те извадам.
Обеси  ги сите твои желби на твојата 
Неубаво врзана вратоврска.
Јас ќе ја поправам најубаво на светот.