ДА ИМАМ УШТЕ ЕДЕН ЖИВОТ

Да имам уште еден живот 
Не знам дали птица би била или цвеќе.
Сеедно и двете се гласници на пролет.
Да имам уште еден живот можеби би била писмо.
Писмо свиткано, свежо испишано
Со војничка солза на крајот.
Или можеби би била утринска роса 
Роса од кокиче свежа
Ден да красам дур не го изгубам сјајот.
Можеби би била и песна 
Тана ,весела, љубовна, револуционерна 
Сеедно само песна да сум од нечии усни да бегам 
Па некој да плаче , да се радува или тагува 
Колку да почувствувам дека вредам .
Па и небо да сум , убаво би било 
Небо кое во прегратки сјајни ѕвезди стега .
Да имам друг живот и камен би била,
Само не би била ова што сум сега.