ПАДНАТИОТ АНГЕЛ

Јас не сум твојата Беатриче
Нема да те водам во рај,
Биди сигурен.
Јас не знам за совршенство, безгрешност и љубов 
Не можам да симболизирам такво нешто.
Нема да ти праќам пораки по кој пат да одиш и какви дела да калемиш
Човеку , ти самиот си ковач на својата судбина.
И не труди се да ме бараш по патеките на пеколот,
Ќе најдеш многу грешни души но мене нема.
Сепак пробај да го прашаш Луцифер 
Паднатиот ангел.
Јас сум неговата придружничка.
Заедно ја делиме казната Божја.
Бидејќи еднаш и јас бев ангел но паднав како него 
Ради тебе.